Disko Line-imi sulisoqarnermik aqutsisussarsiorpugut

Suliffeqarfiup teknikkikkut aqutsisuanut nalunaarusiortassaatit, saniatigullu taanna, inuttassarsiornermut ataqatigiissaarisoq suliffeqarfiullu iluani atorfinitsitsinissamut suliaqartut qanimut suleqatigisassallugit.

Atorfik ukioq naallugu atorfeqarfiuvoq.

Angalatsitsivinnut tunngasunik ilisimasaqarnissaq piumasaqaataavoq.

Suliassatit pingaarnerit tassaassapput:

• Sulisussarsiorneq atorfinitsitsinerlu – sulisunik atorfimminnut tulluussakkanik.
• Disko Line-imi suliffissarsiornermi quppernerisap aqunnissaa – atorfinnik nittartaassineq, qinnuteqaatit, sulinissamullu akuersissutinik qinnuteqaatinik suliaqarneq.
• Sungiusaaneq ineriartortitsinerlu – ataqatigiissaarineq, certifikatinik assigisaanillu inuttanut nutartigassanik akisussaasoq.
• Sulisut pillugit allaggissornerit – kontrakt-inik suliaqarneq, atorfeqarnermi pissutsinik assigisaanillu isumaginnittoq.
• Siunissamik qulakkeerinninneq – sulisunik ilinniartitsineq ineriartortitsinerlu.
• Tapersersuineq – suliffeqarfimmi sulinerup nuannersuutinnissaanut akissarsiat pisinnaatitaaffiillu ullutsinnut tulluartuunissaannut qulakkeerinneqataasinnaasoq.
• Sillimaniarneq – suliffeqarfiup iluani sillimaniarnermik toqqissisimanermillu periuseqarnissamut suliniuteqarusuttoq, kiisalu inuttaasut imarsiornermi inatsisit periusissallu malinneqarnissaannut qulakkeerinnikkusussusilik.

Ujartugarput:

• Imarsiornermik misilitagalik – inuttalerinermut, angallatinik aqutsisuunermut assigisaanulluunniit.
• Imarsiornermi periutsinik, inatsisinik periutsinullu paasisimasaqarluartoq.
• Inuttassarsiornermik, sungiusaanermik sulisunillu aqutsinissamut misilittagalik.
• Inunnik assigiinngitsunik oqaloqatiginnissinnaasoq, ataqatigiinnermik suleqatinillu pilersitsisinnaasoq.
• Unammillernartunik takunnissinnaasoq, suleqatillu peqatigalugit eqaatsumik ataqqinnittumillu aaqqiissusiorsinnaasoq.
• Pissutsinut assigiinngiiaartunut tulluussarsinnaasoq, suliassanillu ineriartortitsisinnaasoq.
• Atorfinitsitsisarnermut misilittagalik, sulisoqarnermilu systeminik ilisimasalik (atukkagut tassaallutik HR-ON Recruit/Staff aamma Marad)

Akissarsiat

Pisinnaasat tunngavigalugit akissarsiaqartitsineq

Qinnuteqaatit

Qinnuteqaatit suliffigisimasat misilittakkallu ilanngullugit una aqqutigalugu nassiunneqartassapput.

Ingerlaavartumik qinnuteqartut akornanni oqaloqatiginnittoqartassaaq. Qinnuteqartoq tulluartoq nassaarineqariarpat atorfinitsitsineq piumaarpoq.

Qinnuteqarnissamut killigititaq: piaartumik

Paasisaqarnerorusuppit?

Disko Line-imi Teknikkikkut akisussaasoq attavigisinnaavat:
Kent Stenner Henriksen
ksh@diskoline.gl
+45 5388 4231

Disko Line pillugu

Disko Line 2004-mi pilersinneqarpoq, taamanikkullu angallammik ataatsimik ingerlatsilluni aallarnersimalluni. Ullumikkut Disko Line Kalaallit Nunaanni angallassivik annerpaaq angallatinik 18-inik ingerlatsisoq, inunnik 6-niit 113-it tikillugit ilaasoqarsinnaasoq. Disko Line Namminersorlutik Oqartussanut angallassinernik isumaqatigiissuteqartuuvoq, kiisalu takornarissanut angallassiveqarluni, suliassanut assigiinngitsunut inunnulluunniit ataasiakkaanut angallassinissamik neqerooruteqartarluni.

Disko Line tassaavoq ingerlatseqatigiiffik Kalaallit Nunaanni inissisimasoq, sulisunik pikkorissunik, misilittagaqarluartunillu sulisulik, aammalu nunatsinni imarsiornermik annertuumik piginnittunik sulisulik. Suliatta pingaarnersaat tassaalluni Kalaallit Nunaanni illoqarfiit nunaqarfiillu attaveqaqatigiinnerat Qeqertarsuup Tunuani, Kitaani Kujataanilu innuttaasut takornarissallu angalasut pitsaanerusumik periarfissaqartinneqarnissaat. Ingerlatseqatigiiffiup naleqartitai tassaapput: isumannaallisaaneq, sullissineq, atuisunut naleqqussarneq, ataqqineq aammalu piffissaq eqqorlugu ingerlatsineq